Tsätslel cha’añ ma’añik ñajäñtyel
Aña’tyäñtytel yä’äch añ tyi uj tyi uj,
añ ñajäñtyel ñäch’älbä mi ichaleñ tsäñsaya yik’oty ñajäñtyel k’uñtye’ wälwälñabä,
mach juñlajalik isäkläñtyel weñlel, ka’bälob machbä añik ikisiñ mi ch’ämob,
joñoñ mi kpekañkbäj ma’añik mikloty ñäch’tyälel
kujil jiñi ik’yoch’añbä wolibä ityilel tyi chämel k’iñ,
k’ixiñ ik’ ity’añob wolibä its’uytyälob tyi jajbotye’,
ach’päk’añbä lum che’ tyi yojlil ak’lel mi iloty ña’tyäñtyel,
tyam ñatylel cha’añ yom ijisañ jiñi oño’ty’añ,
tsatsbä ijap ik' ty’oxja’,
jiñi chajk yä’äch añ mi ik’extyañ ibä
cha’añ mi iyajñesañ majlel itsukulel yik’oty iyaxñalel jiñi k’iñil tsa’ixbä ñumi
cha’añ ma’añik käñi’bal.
