Tierra Adentro

Säklajmel 

Mi ksäklañ isajlemal kbä’tyal tyi matye’el,

tyi iye’bal yopoltye’tyak añbä tyi pam lum,

tyi iye’bal tyuñ,

tyi imalil bäk’eñtyikbä ch’eñ,

Mi ksäklañ isajlemal kbä’tyal

Jiñche’ junp’ej k’iñ tyi p’ixiyoñ ma’ix ts’äkäloñ,

tyä’läbiloñ, jats’äloñ. 

Mach kixtyañujoñix tyi icha’leyob,

pejtyelel kbäk’eñ tyi itsäñbeyoñob,

ñumeñix ka’bäl uj, be choñkoltyo ksäklañ kbä’tyal,

yik’oty bij cha’añ mi k’otyel kmek’ kña’. 

Desaparición

Busco los restos de mi cuerpo en la montaña,

bajo las hojas que cubren la tierra,

bajo las piedras,

dentro de una cueva sombría.

Busco los restos de mi cuerpo porque un día 

desperté incompleta,

violentada, ultrajada y sin dignidad.

Hasta el miedo me mataron.

Han pasado muchas lunas.

Sigo buscando en mí un cuerpo completo 

y el camino para abrazar a mamá.

xMinerva

xMinerva jk’aba’, 

käläx tyi ityä’läyoñob, tyi itsäñsäyoñob. 

TYi kilä tyi sajtyi kbä’tyal tyi ik’ä’ob,

tyi ijats’äyoñob tyi ipam iñi’ iwuty lum,

wiñikob sutysutyñayob tyi ktyojlel,

k’ajk’ajñayob tyi tse’ñal,

yañtyakob bä’bäk’eñob,

xMinerva jk’aba’,

che’ña’ kbä’tyal tyi isoraj tyä’läyob,

tyi ichokoyob käytyäl tyi imalil matye’el.   

Minerva

Minerva era mi nombre, 

fui violada y después asesinada.

Vi morir mi cuerpo a codazos,

a golpes en el rostro de la tierra

mientras hombres desnudos 

danzaban en mis entrañas,

algunos riéndose, otros temerosos.

Minerva era mi nombre

cuando mi cuerpo fue abandonado 

en el seno de mi madre, de la selva ch’ol.

k’uxbä kolel

Junp’ej k’iñ tyi chilbeñtyiyoñ jkolel. 

CHe’ tyi ksäklä

tyi ktyaja tyi ipaty ibäk’ juloñib,

buts, butsñabä ibuts’il.

Jiñi jkolel chokol ya’ tyi bij,

ya’ tyi ixäk’ bij baki tyi ujtyi tsäñsaj,

tyi ichupil ibä’tyal ajsajtyel,

tyi ixujk jiñi matye’el.

Xtsäñsajob tyi ibä’tyisäyob 

yik’oty ijuloñi’tyak jiñi jkolel,

tyi ijok’beyoñob lok’el tyi ktyojlel,

lajal tyi itsäñsäyob yik’oty iwäy kyum.

Niñez dolorosa 

Un día fui despojada de mi infancia,

al buscarla 

la hallé en un casquillo de bala humeando.

Mi infancia tirada en el camino, 

en el cruce de una emboscada, 

en los gusanos de un cadáver tirado,

en un rincón de la selva.

Los paramilitares 

espantaron mi infancia con balas; 

con furia la arrancaron de mí 

y la asesinaron 

junto con el nahual de mi abuelo.