Ilustración realizada por ChangosPerros
Wáa ka béeytale’…
Kin káantik tu yóok’lal ba’ax ts’o’ok in káantike’
wáa le ken in paktech
ka wilik kin wéensik in paakat
wáa kin kaxantik wáa ba’ax máaktsil oochelil te’ej
múuyalo’obo’
Wáa jump’éel tuunich utia’al in kóocha’at te’ej lu’umo’
ma’ a k’áatik mixba’al
mix a wa’alik mixba’al
chen na’ate’
jach ti’ le súuktil je’elo’
a paakate’ tu kalubáa tin paakat
ka’ tu beetaj u ke’elankil in pixan
Chen tukultej
Bix u wáak’al k’áak’il witso’ob
yáanal in chowak k’ab
wáa ku béeytale’
ta’akum ts’áaten jumpuul ts’u’uts’
kex chen p’el ka’ kóojok
tu xa’ay u bóoxel in chi’
ku ts’o’okole’ ka p’áatal junsúutuk ichil in méek’
ka’alikil a wu’uyik u kikilaankil in wíinklal.
Le ken a chaambel jáak’a’atene’
A’al jump’éel t’aan
je’el máakalmáake’
Ma’ nojba’ali’
Ba’ale’ ka u ts’áa in na’ate’
teech xane’ ta wojéeltaj
ba’ax ku yúuchul tu báankabil in woot’el
Y si puedes…
Juro por lo jurado
Que si al mirarte
Notas que bajo la mirada
O busco en las nubes alguna forma caprichosa
O alguna piedra que patear en el suelo
No preguntes nada
Ni comentes nada
Solo entérate
Que en ese justo instante
Tus ojos calaron profundo
Y me cimbraron el alma
Solo imagina
El volcán de mis poros
Debajo de mi manga larga
Y si puedes
Disfraza un beso
Que apenas me roce
La comisura de los labios
Y permanece un instante en mis brazos
Mientras sientes mi cuerpo temblar.
Al retirarte
Solo di una palabra
La que sea
Nada importa
Pero que me den a entender
Que sabes lo que sucede
En la geografía de mi piel
