Acudía a ese lugar todas las noches, esperando que al amanecer los ídolos abandonaran el sueño conmigo, convertidos en figuras sustanciales, graves y silenciosas, con el peso y la consistencia de las piedras.
Wáa ka béeytale’…
Kin káantik tu yóok’lal ba’ax ts’o’ok in káantike’
wáa le ken in paktech
ka wilik kin wéensik in paakat
wáa kin kaxantik wáa ba’ax máaktsil oochelil te’ej
múuyalo’obo’
Wáa jump’éel tuunich utia’al in kóocha’at te’ej lu’umo’
ma’ a k’áatik mixba’al
mix a wa’alik mixba’al
chen na’ate’
jach ti’ le súuktil je’elo’
a paakate’ tu kalubáa tin paakat
ka’ tu beetaj u ke’elankil in pixan
Chen tukultej
Bix u wáak’al k’áak’il witso’ob
yáanal in chowak k’ab
wáa ku béeytale’
ta’akum ts’áaten jumpuul ts’u’uts’
kex chen p’el ka’ kóojok
tu xa’ay u bóoxel in chi’
ku ts’o’okole’ ka p’áatal junsúutuk ichil in méek’
ka’alikil a wu’uyik u kikilaankil in wíinklal.
