Uk’in ja’a/ Día de lluvia

Uk’in ja’a

Akë bisi kë k’ëb ta’ pëchi,

akë saki mach tajda

abonolib,

ya’i akë pojli untom kab

bajka kë naja

asutwënijo’ onob ts’aji.

Ts’its’ita’ ts’its’ita’

atikuële tuba ixim 

abixi ujup’e’uba tan kë chiji.

Utëli kë pixan

kë cha’tumala akëchila

sutwënik sink’ajalin

jini tsijk’in.

Upete unumiba k’in,

upete ujut k’ak’,

upete tikuële tëj kak’ola

ubut’esi jini ajliba

ke mach bay ajni tan kë k’ajalinla:

tuyaba unsom ixim.

Día de lluvia

Dirigí mis manos sobre tu piel, 

busque los recónditos sitios

de tu geografía, 

y encontré una isla 

donde mis sueños 

se volvieron historias.

Poco a poco

tu calor de maíz

se metió en mis poros.

Tocó mi corazón 

y juntos logramos 

que el reloj

se volviera loco.

Cada instante, 

cada ojo de fuego,

cada éxtasis 

inundaron el rincón 

que jamás habíamos imaginado:

bajo los surcos del maizal.