Xox chuuy / Hilo contado

Xox chuuy

Ko’olel ku julik tu púuts’ chak ts’íits’íbo’ob,

ts’o’oke’ ku chuyik k’aayo’ob ti’al u weensik u paalal.

Yéetel u sak k’áanile’ ku wojik múuyalo’ob

ti’al u xmukul chupik yéetel u ja’il u yich,

ku ts’o’okole’ ku t’ojik tu ka’anatsil ich.  

Te’e na’aliko’, tu chan xuulil u k’a’ajesaje’,

ku yáakam u xaakil u chuuy;

chéen tuupul oochelo’ob yaani’,

chéen xma’ top’ol tuukulo’ob p’áati’,

ma’ yanchaj u nikte’ilo’obi’, mix t’aanilo’obi’. 

Sak nook’ ti’al u chuuye’ u k’áak’náabil u tso’otsel u pool

ku yáalkab tak tu bejilo’ob u yoot’el. 
Ko’olele’ ku xokchuuy

yéetel jump’éel púuts’ p’isik u máan k’iin;

xts’íibe’ ku chuyik tuukulo’ob,

yéetel u k’áanilo’ob sayab lu’um,

ku bin u kóolik jujump’éelil tu ts’u’ u puksi’ik’al.  

Hilo contado

Una mujer enhebra en su aguja pájaros rojos,

y les borda cantos para arrullar a sus hijos.

Con hilos de plata dibuja nubes

donde guarda lágrimas en silencio

y los vierte en sus párpados cansados.

Al fondo, por el borde de su memoria,

su canasta de hilos agoniza;

ya solo guarda siluetas umbrías,

de ideas que no germinaron,

ni en flores ni en palabras.

La tela blanca nace del océano de sus cabellos

y desemboca en los ríos de su piel.
La mujer hace el hilo contado 

con una aguja que marca el tiempo;

es la escribana que hilvana historias

con hilos de tierra fértil,

que desenrolla uno a uno del corazón.